Jhoomar ki kaanch hi to hai, gir gayi toot gayi Jaane de,
Kal shanivar hai, ek aur hafta beet gaya, tum nahi mili, jaane de
Mere ghutne ka dard laut aaya, chalna nahi ho paa raha hai, jaane de
Tumko awaaz di maine, tumne nazarandaz kiya, jaane de
Jhoomar to waise bhi tumhare aane par jalta tha, shayad jalta tha, par timtimaata tha, jaane de
ye jo Saat din hai, wo tumhare paas hone se din lagte the, jee leta tha, jaane de
Ye dard to hamesha rehta tha, tumko dekhkar mai isey bhulaa deta tha, jaane de
Tumko pukaarna mere liye ek kavita likne si thi, jaane de
Shaayad mujhse zyaada wo jhoomar tumko dekh kar muskuraata tha, jaane de
Shaayad hafte ke har din mein ek alag khushi si thi, jaane de
Shaayad mera dard bhi mera dhyaan chaahta tha, jaane de
Tumhaara jaana laazmi tha, mai to kuch hoon nahi, jaane de
No comments:
Post a Comment