Maar gaye patthar, prem ke virah ke
Jab ro baithi mai, tu to na pooch gaya
Kabhi ek baar, ke mai toot kar bikhri kitno tukdiyan
Tukdo mein bhi tera mukh,
tukdon mein thi mai
Gin gin uthaaye har ashru ko ek
Tu to ginti bhi na karne aaya,
binti bhi reh gayi ansuni
Kya mera mann bhi toota,
chithde chithde ude
jaise bhuni moongfaliyon ke chilke
Muje kaaran jo de gaya tu,
karke mere kamiyon ke kamandal mein daraar
Riss gaya mera sab,
jo tum ghol gaye the prem ki nami mei
Ab to aap hi riss chuka hai,
tithar bithar, bikhar, idhar udhar
Ek baar jo bulaaye jaane ki aas mein bhoole jo baithi
Ab tu aaya,
maangne mere prem ki pehchaan, praman, poochkar meri pravrutti
Nahi hoon apne mein,
tum bankar, apne ko daah aaya jo hoon
Na tumko thi meri aasha,
toh mujhe kya karna tha rakh apne ko
Mai to tumko soch; tum bankar,
phir khud se chala gaya tha
No comments:
Post a Comment