Abhi abhi to thukraya hua tha, wo zakhm bhar to jaane de
Tum gaye tab bikhar gaya tha, unn tukdon ko
Sametne to de
Sambhal to jaane de, thoda sa to waqt maang raha hoon
Yoon hi jab tum mujhepar naarazgi jataate ho, darta hoon
Yahi naarazgi to tumko dur le gayi thi mujhse
Mai to wahi tehra raha, sochkar tum kabhi to aaoge
Sambhal to jaane de, thoda sa to waqt maang raha hoon
Tum kehte ho ki mujhe shaayad tumse pyaar nahi hai
Mere tootne, ruk jaane, tadapne se pooch lo mera kya sach hai
Main to aaj bhi tumhaari aankhon mein khud ko kho deta hoon
Sambhal to jaane de, thoda sa to waqt maang raha hoon
No comments:
Post a Comment